[sanakayani]

"Kaha Tha Na"

Kaha tha na!
Mujhay tum iss tarah sotay huay matt chorr k jana
Mujhay bayshakk jaga daina
Bata daina
Muhabbat k safar main saath mairay chal nahin sakteeN
Judaii k safar main saath mairay jal nahin sakteeN
Tumhain rasta badalna hai
Mairi hadd se nikalna hai
Tumahin kis baat ka derr tha
Tumahin janay nahin daita
Kahin per qaid ker laita
Aray Pagli!!
Mohabbat ki tabiyat mein zabardasti nahin hoti
Jisay rasta badalna ho usay rasta badalney se
Jisay had se nikalna ho usay had se nikalney se
Na koi rok paya hai
Na koi rok paye ga
Tumhein kis baat ka darr tha
Mujhe beshak jaga detein
Main tum ko dekh hi leta
Tumhein koi duaa deta
Kam-az-kam yuun to na hota
Mere saath haqeeqat hai
Tumaray baad khonay ke liye kuch bhee nahi baaqi
Magar khonay se darta hoon
Main ab sonay se darta hoon